2013香港聖誕、元旦新年飛全球各地平價機票

2013樂桃航空聖誕節元旦香港飛日本大阪特價機票
 

     樂桃航空今晚香港時間11:00又劈啦！一如以往：先劈大阪出發嘅機票。出發日期為03/12/2013 – 28/02/2014（農曆新年應該冇啦），大阪單程去香港淨機票4,500円（約HK$349），連稅6,315円（約HK$490），至於香港去大阪今晚應該未劈住，一係今晚先買回程，再等樂桃聽晚11:00減埋香港出發先補購去程（單程連稅HK$498），心急嘅不妨用我哋嘅慳錢秘技，香港來回大阪價錢最終可低至連稅HK$1,123及另外俾HK$998買Peach點數，如果您本身需要買行李寄艙，或已打算飛埋其他日本城市，趁依家未開賣就Study以下秘技先啦！今次航班選擇冇寫限制，就算凌晨去夜機返都得，比上一次仲So喎（建議今晚去樂桃英文國際版網站入貨）！

樂桃慳錢大法步驟（難度指數＊＊＊＊＊，新手不宜使用）：
Step 1：大阪來回香港：JPY 19,370 + JPY 315（手續費）= JPY 19,685（HK$1,526）（記住大阪往香港必須揀Happy Peach Plus）
Step 2：買另一張大阪單程返香港：JPY 6,000 + JPY 315（手續費）= JPY 6,315（HK$490）
Step 3：退Step 1大阪去香港機票，付HK$105手續費，並且有JPY 12,880（HK$998）做Peach點數，可以買行李或其他日本出發機票（180內使用）

    總支出：買Step 1機票（HK$1,526 ）+ 買Step 2機票（HK$490）+ 退Step 1去程機票手續費（HK$105）- 退機票（HK$998）= HK$1,123！記住，係來回連稅！另外退番相等於HK$998嘅Peach點數，用嚟買行李就最Good（可買2人來回行李20kg添，須於180內使用），您亦可用嚟買樂桃日本國內線航班。不過呢一招慳錢方法，宜計好數先行動，如果退款買唔晒行李／內陸機票，又或者根本唔打算買行李寄艙，用番普通方法買機票好喇！小心得不償失呀！
網址：www.flypeach.com
 

2013樂桃航空聖誕節元旦香港飛日本大阪特價機票