您好，歡迎來到HopeTrip旅行網！
|
難捨10歲兒子
甘國亮昨接受電話訪問時說：「一個人有病，傷心都冇用，我好為佢囝囝傷心，冇人明白佢冇嘢唔捨得，淨係唔捨得個仔！識佢咁多年，有時做吓嘢都會返屋企睇個仔。」他大讚黎的才華毋庸置疑：「我同佢不嬲鄙視啲人淨係識得行街買靚衫。」而與黎堅惠相識25年的郭啟華也感惋惜：「喺進念二十面體認識，佢有啲好獨特氣質、好聰明，所以叫佢入商台工作，在公在私都有合作。大半年前大愛同盟出書搵佢寫稿，佢二話不說答應。之前佢有提過癌症，以為佢處理咗。我屋企有盞燈，係佢以前睡房盞燈，係佢割讓畀我，噚晚（前晚）都開燈緬懷吓。」鄧達智則懷念與她飯敍暢談時裝經：「佢係一個有型靚女，仲欠佢一隻《Catwalk》DVD。」
 當年黎堅惠港大畢業後加入《號外》，作為創辦人的鄧小宇（鄧梓峰胞兄）亦有份在她07年著作《時裝時刻》寫序，他昨在電話中說：「嗰時覺得佢係接班人，佢寫嘢好有角度，try to be different（嘗試不同），文字好有心思風格，佢有啲先天時裝觸覺，時裝唔係追隨，佢識判斷邊啲係好。」微博及facebook網頁都有不少粉絲留言願黎堅惠安息，好友林奕華早年寫給她勉勵的書信更在微博瘋傳，而他亦在微博留言：「相識於1990，剛大學畢業一臉稚氣來到面前……重讀14年前的心情寫照，猜她分享的意思，是莫忘初衷？」王菲造型師Titi Kwan亦表示懷念。
|
市場價：NT$ 876
