|
一直都挺喜歡澳門，雖然已經去過幾次，不過依然覺得有好多地方可以去逛。感覺上澳門是一個悠閑的城市，每個澳門人都不需要為生活為2餐而煩惱，而奔波，是1個無壓力的城市啊。或許正因為如此，所以少了好多爾虞我詐，卻多了幾分人情味。喜歡這樣的環境，覺得人的精神都會比較放松，終日處於斗爭中，感覺人都開始變態了，可是這種生活是被逼的還是自願的？我都糊塗了。
開始策劃本次的澳門旅行，每次旅行我都喜歡有個主題，圍繞著這個主題去安排行程。聽講澳門保留了好多殖民地時代的舊建築，雖然我不是建築出身，對藝術也沒啥天分，不過沒人能阻止我對它的欣賞吧。約了幾個朋友一起去，行程是我安排，當然還需照顧她們的要求，所以行程多次修改，都幾次了，累！這次主要是教堂+美食，當然不能免俗地去了趟威尼斯人，哈哈哈。
由於有個朋友要當日來回，所以我的第一日就先去氹仔同威尼斯人，不過以後都5會去了，呵呵。氹仔官也街是好多旅遊攻略提及的澳門美食街，我的目的地就是吃葡國菜。去到的時候大概是中午12點幾了，條街人山人海，每間食肆門口都排起長龍。之前看過好多人推介，好多人都話最熱門的公雞、小飛象、木偶都名過其實，所以我哋就揀咗間無咁熱門，但是口碑還可以的山度士。先評價下環境吧，可能系澳門地方實在太細了，所以坐的都幾逼，4人台坐5個人，同隔離台都背靠背，不過尼D都系意料之中噶事。講下出品吧，由於葡國菜價格都5低，我哋5個人點咗3個餸1個炒飯，分別系葡國燒豬、葡國雞、燒羊扒、馬介休炒飯。以上幾個都系比較有名噶葡國菜。首先上嚟噶系葡國燒豬，平時食廣東燒乳豬就多了，葡國燒豬真系第一次食，雖然都系燒豬，但是口感完全不同，廣東燒豬系皮肉分開食，皮系脆蔔蔔的，好香口，肉系香軟。葡國燒豬系皮肉一起食，佢哋噶皮5系脆蔔蔔，而系軟綿，同肉一起食好冧，不過又5會完全無口感，我覺得系5星級噶出品，好好食，大家都爭住食。第二碟上來噶系燒羊扒，不得不講，其實的各地的美食都有好大的不同，真系要睇各人噶接受能力，尼個羊扒非常有羊味，而且系非常濃的味，中意食羊肉噶人可能覺得好正，對於我來講，實在系太耗了，實在太難以入口。我朋友仲衰，佢竟然話系臭狐味，大家即刻倒曬胃口，集體杯葛佢。其實除咗我哋不能接受的羊肉耗味外，其他都可圈可點噶，5可以因為個人噶口味而抹殺尼度菜的亮點。尼個羊扒肉質好好，好軟冧，基本上無平時燜羊肉果種纖維好粗的感覺，好容易切，入口都5用點咬（其實系我哋怕咗嗰種味，基本上都無點咬），嗒幾下就可以吞了，羊肉都幾入味（不過最大果陣都系耗味）。算了，我覺得我噶評價都系5太客觀，反正如果大家中意羊肉噶耗味可以試試，如果5系就算了，畢竟5系嗰個都接受咁原始噶味道的，呵呵。再上來就葡國雞了，尼個好多地方都食過，不過尼間店的味道幾好，比起其他茶餐廳，甚至澳門街噶出品都好，果D汁好好送飯，比較稠，濃，滑，有點像忌廉，雖然系咁，但是一點都5漏，我勺咗一匙白飯勺咗2、3匙汁來拌飯，超正。不過對於尼到菜，我哋懷疑外國人系5系都無走地雞食噶呢？果D雞系冰凍噶雞髀，肉質好粗，而且無咩口感，有點似布渣。可能系我哋平時食雞非走地雞不食，所以培養成咁挑剔的要求。如果將D雞換成新鮮噶走地雞，咁就perfect了。最後上來噶系馬介休炒飯，馬介休其實就系某種魚掩過1晚之後，比較幹身，魚質比較結實，尼個炒飯系除燒豬外最受歡迎的。總結來講，正宗噶葡國菜5系每個餸都系我哋可以接受的，不過試試倒無妨，5試過系5會死心噶，呵呵呵。一般去葡國菜都會附送主食，比如葡國燒豬附炸薯條，燒羊扒附煮薯仔，葡國雞附白飯，所以一般來講4個餸5個女仔已經好飽好飽了。
食完葡國菜我哋都好撐了，路過莫義記見到好多人買大菜糕，我哋都買咗少少share來食，我哋買咗1盒大菜糕、榴蓮雪糕、木康布丁，味道還不錯，不過似乎無網上講的咁好了。另外在尼度順便評價下誠昌飯店吧，尼間店最出名就系水蟹粥，仲有炸鯪魚球，我之前來過尼間店食過，咁次我哋都有朋友提議食，不過我系5會再食了。當然5系話尼間店噶嘢5好食，而系尼種出品在好多地方都有，並且味道都差5多，5系真系出色到令我回味的程度。咁次來見到門口都排曬長龍，如果大家想試下我倒覺得無妨噶，我覺得尼間都系名過其實噶店。
食完飯差5多2點了，我哋步行到巴波沙總督前地，果度有我最中意噶大利來豬扒包。雖然官也街好多嘢我都5覺得值得再三來食，但是尼個豬扒包絕對系例外，因為無論幾飽，聞到豬扒包的香味我都忍5住要咬幾啖，真系絕對高品質出品。包外表脆裏面軟熟，豬扒煎得啱啱好好多汁，掩得夠時間入曬味道，而且揀的部位系果種肉質比較結實，有嚼頭，反正我系百食不厭，呵呵。
食飽之後我哋就步行去威尼斯人了，不過系1個大型購物商城+賭場，但是人真系多啊，在門口就見到1車1車噶旅客入去，米入去我就有點驚了，咁多人逼死了。入去之後發現尼個商城真系好大好大，我哋行街一點都5覺得人多，除咗睇表演的時候覺得人多之外，平時逛商店都無咩感覺，5知大家系5系都去曬賭場呢？我哋去噶時候啱啱系打折季，D嘢都OK啦，而且葡幣匯率低，所以都幾抵噶。不過我哋都無打算要購物，所以都到處逛下，睇下水上威尼斯的景色，影下相就算了。不過雖然系咁，當我哋逛完出來就已經晚黑7點了。冧住新濠天地就在附近，我哋就坐接駁巴士過去了，結果除了入口處有個大的水族箱睇下咩，咩都無得睇，5知道系我哋在威尼斯人已經審美疲勞，定系我哋行錯路，反正新濠天地無咩好玩，估計好玩都系收門票的吧，呵呵呵！離開新濠天地我哋就返住噶地方。
新濠天地有接駁巴士到葡京附近，我哋就住系新馬路，我哋步行返去發現9點左右新馬路絕大部分商鋪都關門了。我哋早上10點行過噶時候佢哋都米開門，我估計佢哋11點左右先開門，晚黑9點前都關門了，哇，連商業都系10個鐘工作制，真系好舒服啊。不過就難為我哋了，想行下街都5得了。我哋返到住噶地方已經10點了，餓到饑腸轆轆，但是沿路行返去見到大部分噶店都關曬門了，無辦法只好在橫街窄巷搵嘢食了。我哋賓館隔離就是十月初五街，我哋早上行的時候好多店鋪都關門，到晚黑先發現好多食肆開門了，感覺尼度離商業區只有5分鐘，但是商店營業時間完全不同，是互補嗎？？我哋發現有間大排檔，晚黑才推車仔出來做噶，就系1個橫巷擺檔，只有6、7張台，不過都張張台都坐滿人，難得見到澳門地道噶大排檔，我哋決定試下，尼餐改變了我哋對澳門的印象。一直以為我哋去噶地方就是澳門美食集中區，原來對於澳門人來講，佢哋噶美食就在橫街窄巷，果D店可能只做半晝，我哋後來發現有D店系AM3:00-PM3:00（我真5知有咩人半夜起身食飯，後來我去食早餐先知原來有好多老人真系4、5點去食早餐，10點左右又去食飯，好奇怪噶習慣），有D系PM3:00-AM2:00（好出名的黃枝記在十月初五街噶分店就系咁的，開頭我哋以為佢已經執咗笠），原來澳門噶生活系咁噶，好得意。扯遠了，講返我哋噶晚餐，大排檔系無菜單噶，見到有咩材料，直接點就系了。我哋點咗了蠔仔炒蛋，蒸魚、椒鹽魷魚須，仲有個青菜，每人點了支飲料，有蔗汁同雞骨草。尼度好原始，點餸5系寫單噶，系有個人拿住個碟，比如點蠔仔炒蛋，就放2只蠔仔1只雞蛋，椒鹽魷魚須就放2條須加點鹽，我哋要噶國條魚直接放在碟，第一次見咁的點菜，哈哈，原來遠離市區的澳門是咁接地氣噶，我更中意咁真實噶澳門。由於台少，大排檔都系搭台食噶，坐我哋對面噶系一對夫婦，一開頭我哋4個女仔吱吱喳喳，又系影相又系到處睇，咩都覺得新奇，感覺澳門的白天與夜晚簡直系2個世界。上菜後我哋簡直系不顧形象，狼吞虎咽，間大排檔D味道真系好好，而且夠火候，我哋食得好滿足，哈哈哈。後來對面的夫婦同我哋開始傾計了，可能在咁噶環境下，我哋都覺得人與人噶關系更簡單，5會擔心有咩壞人吧，如果平時在麥當勞有人同你搭話，我估10個有9個都第一時間攬實自己噶包包吧，哈哈哈。佢哋知道我哋系來旅遊噶，好好奇點解我哋會搵咁噶大排檔來食飯，一般遊客都好少去橫街窄巷搵嘢食，而且基本上網上的旅遊攻略都無提及尼D美食。佢哋話尼間大排檔出品非常正，不過一般都澳門市民幫襯多，佢哋就經常幫襯了，我哋就像不小心撞入佢哋世界的人，呵呵。後來傾落知道我哋聽日要去逛教堂，佢仲好熱心介紹好多不同噶教堂比我哋知，仲介紹不同噶教堂附近有咩好玩噶地方，可以順便去埋。仲介紹作為澳門市民覺得好食噶地方俾我哋知，例如就系大排檔前面幾十米就有間店炸鯪魚球好彈牙，十月初五街的黃枝記面好爽，盛記白粥可以試下。仲有在風順堂附近有間中天茶餐廳出品就好5錯。佢仲問咗我哋今日去做邊度食，佢話官也街都系外地遊客去噶地方，小飛象、木偶、公雞佢哋本地人一般都5去食，如果葡國菜中天都5錯，後來仲好熱心幫我調整第二日的行程。所以點解我之前話以後我都5去官也街了，原來好食噶嘢5系在果度，系在橫街窄巷。尼餐飯真系收獲豐富啊！！
食完飯我哋就返賓館休息了，咁次住在嘉明別墅，其實就是賓館仔，在新馬路附近，步行去民政局都系5分鐘，交通都好方便。住的環境都可以，起碼比香港的賓館仔要大，價格平，要求就5好太高了。其實我哋都覺得幾滿意，不過後來就發生1件幾5開心噶事。話說我有個朋友的手機充電器系國內的插頭，港澳的插座5適用，我哋問前台阿姨（其實無前台同服務員之分噶，一共得2個人）借個轉換器，可能大家的叫法5同了，我哋講咗好耐佢哋都5明咩叫轉換器，啱好我哋見到佢哋插座上有，就指比佢睇了，結果佢哋就開始講了，話咩我哋大陸人講D嘢佢哋都5知系咩，仲舉例講大陸人叫咩超市，佢哋都5知人哋講咩，反正就系話我哋大陸系鄉下啦，最過分系有個阿伯在隔離講系啊，而家大陸人來澳門多咗啦，劣幣驅逐良幣啦，搞到佢哋都要講大陸話啦。當時真系想罵佢哋一餐，不管算了，不想同佢哋一般見識，我哋羅到轉換器講聲多謝就走了，激到我哋S，尼度同香港比，真系一點服務意識都無，算了。最搞笑後來我哋退房噶時候有個湖南女仔打電話來問路，果阿姨5識講普通話，我就幫佢接咗個電話，教個女仔行過來，果阿姨態度180°改變，對我哋好聲好氣，唉，太勢利了吧。
第二日我哋就按原計劃去欣賞澳門建築了，我哋先從新馬路坐車到媽祖閣，從媽祖閣作為咁次路線的起點。從媽祖閣隔離條巷子上去，沿路見到港務局大樓，尼座建築已經有百幾年歷史，系意大利人建造的，我哋沿斜路上去，在上面有澳門文化遺產的資料宣傳單，單張清楚列示澳門各文化遺產的基本資料，對我哋來講系一個好好認識澳門的指引。離開港務局大樓，沿著斜路直上，就系阿婆井前地了，果度之前聚集咗好多葡國人，所以佢哋噶建築都系葡國feel。在阿婆井前地右手邊上去系主教山小堂，其實左手邊有個幾出名噶建築，系鄭家大屋，系中國feel噶建築，混集在葡國建築中，頗為特別。我哋當時5知道，等從主教山小堂落來再去鄭家大屋，兜咗個圈。其實從阿婆井前地去主教山都5近，主要都系斜坡路，而且果日又暴曬，行到我哋身水身汗，上到去教堂發現果日無開門，只好在周圍逛下了。不過果度都算系澳門比較高噶地方了，從上面睇過來見到澳門的西灣和珠海灣仔的景色，澳門塔和澳氹大橋亦睇得清清楚楚，總算無白費我哋噶腳骨力。從主教山小堂落來我哋就去咗順風堂，順風堂好像個迷你公園咁，種咗好多植物，我哋去噶時間都開滿花，好靚。順風堂出來後我哋就去咗聖若瑟修院大樓及聖堂，跟住就見到尋晚人哋介紹噶中天茶餐廳了，入門見到尼間餐廳周六系5營業噶，好在我哋系周日去嗟，如果5系就無得食了。入到去發現尼間餐廳的布置比較簡單，甚至系比較舊了，我哋點坐個餐4個人食，1個系紅酒牛舌，1個系番茄螺絲粉，太耐了，又無影相，5記得太清楚了。出品很好，而且價格5貴，特別系紅酒牛舌真系好好味，雖然系紅酒煮，但系酒味就5會好濃，特別系我哋5多中意飲酒噶人，覺得有少少酒噶香味，但是無酒噶澀味，牛舌系比較冧滑，可能系我比較中意口感冧滑噶食品吧，呵呵。因為我哋趕時間，所以無試其他菜，我覺得大家如果有時間可以去試試其他菜式，因為5會失望的。離開中天我哋沿路去咗聖奧斯定教堂，出來沿路行幾分鐘就到板障堂前街，就系澳門最繁華噶地方了。接落來我哋亦分頭行動發揮女人本色，shopping咯，哈哈哈！澳門的行程亦基本結束了，系一個值得回味的旅行！
澳門媽祖閣 
澳門主教山小堂落
威尼斯人
 威尼斯人 
威尼斯人 |
