您好，歡迎來到HopeTrip旅行網！
|
睇完恐龍，班細路都仲未玩夠？一家四口去主題樂園又太肉赤，不如學Angie 去新開的Children's Garden，免費玩埋嗰半日喇！這裡位於外星怪樹屋企Gardens By The Bay，今年1月底才正式開幕；遊樂場面積唔算大，只有四份三個足球場，但由於園內設施齊備，而且免費，故成為當地人親子熱點！
遊樂場主要分為濕身玩水區及爬高爬底游樂區。先講玩水區，雖然場內無游泳池又無大型滑水梯，但對於細蚊仔嚟講已經好夠玩！ 6至12歲小童可到主場暴雨區玩水，挑戰瘋狂花灑頭；6歲以下則可到金魚噴泉區。前者設有40支強勁花灑頭，會定時轉動及噴水！現場更有音樂播放，當強勁節奏遇上嚴雨大雪一樣的噴水效果， 場內小孩玩得高興，又跳又叫；場外的旁觀者除了大贊嘆為觀止外，就只有大笑！
噴泉區內的小朋友年紀較細，但都好貪玩，又爬金魚又跳來跳去，好似圖中又怕濕又要玩住喊的就比較少見。玩水區以軟墊鋪地，磨擦力特強，加上場內只准赤腳上陣，腳掌抓地更為穩陣，即使遇上最強淋水一刻，班細路跑住玩都無跌倒，家長大可放心！Gardens By The Bay入口有shuttle bus穿梭公園，不過Children's Garden離入口僅5分鐘路程，建議步行前往。
唔想玩濕身，大可以走去遊樂區。同樣以年齡劃分區域，6至12歲可以玩繩網冒險區、樹屋游樂區，6歲以下的則可到幼兒區。幼兒區設施與香港一般的兒童遊樂場差無幾，但樹屋區內的設施則鮮有在港出現，例如建在沙地上的吊橋、超滑金屬滑梯、擒高擒低的樹屋、轉到頭暈的無敵風火輪！設施好玩之餘，場內職員亦擔當陪玩員，他們會主動與小孩嬉戲，遇上小孩不懂轉動風火輪，更會上前在旁教導，讓小孩自己嘗試，學習玩耍！場內最抵死為紅色迷你凼凼轉，玩嗰個開心，被轉嗰個雖然臉容扭曲，但依然大叫過癮！
Far East Organization Children's Garden 新加坡出名動物園多，座落喺夜間野生動物園和新加坡動物園間的River Safari 於去年落成， 大受家庭旅客歡迎！去年底，園方再推出新項目Amazon River Quest，旅客須乘坐電動船，於河道上欣賞兩岸的亞馬遜動物。雖然此人工亞馬遜河不足五百米，十五分鐘就玩完，但短短的船程上，有機會見到美州豹、南美貘、大食蟻獸、紅鸛及首次現身星洲的紅吼猴。每當動物現身，小朋友都興奮到咿哇鬼叫，當中最愛歡迎算是食蟻獸，皆因佢外貌古怪又少見。如果子女年紀細，好易行到，坐船睇動物就最啱！
美州豹是全個河道內，唯一須隔著玻璃觀看的野生動物。每年6月， 雨水都會掩蓋亞馬遜森林，為了重現此景像，園方特意在巨型魚缸內放置多棵千年巨樹，缸內育有十多只海牛、巨骨舌魚、紅尾鯰，場內更設有座椅，讓游客看魚出神。坐完船，睇完大魚缸，就可以去到松鼠猴生態林，以超近距離玩馬騮。40多只松鼠猴相當熱情，是影相打咭的良機！
River Safari |
市場價：NT$ 461
