鋒味曲奇—霆鋒最新曲奇店！愈來愈多明星撈過界開食店，呢排最hit嘅一定係霆鋒新開嘅曲奇店「鋒味曲奇」。聽聞鋒味曲奇每日好快就賣晒，仲要提早關門，睇黎鋒味曲奇反應超好！無論係唔係霆鋒嘅fans，都要去鋒味曲奇潮聖下啦！憑飲食節目《十二道鋒味》一躍成圈中「廚神」的謝霆鋒又有新搞作，投資七位數於中環開設曲奇餅店，並親自打造出「甜酸苦辣」四款招牌曲奇餅吸客。
霆鋒今次特別同 Beyond dessert 的幾位餅廚合作，經過多次試味，直至霆鋒滿意先推出市面。新店剛開張，暫時只賣一款曲奇禮盒，一盒曲奇裡面有齊「甜」、「酸」、「苦」、「辣」四種口味，分別是牛油、檸檬、朱古力和辣椒曲奇。當中檸檬味更係坊間前所未見，霆鋒在訪問中就曾表示，用檸檬汁做曲奇是特別困難，因為酸性會令曲奇變硬，經過多番研究後，才成功做到口感鬆脆的檸檬曲奇，食落酸酸甜甜，超開胃！
還有用指天椒炮製的辣味曲奇，混入了車打芝士，辣中帶鹹香；用 Valrhona 製作的朱古力曲奇，甘甜不膩；牛油曲奇的牛油味超香濃，整體嚟講，水準相當唔錯！四款曲奇分別有唔同造型，遲啲仲會推出慈善版曲奇，用陪伴霆鋒長大的熊啤啤公仔做包裝，新口味也會陸續推出，粉絲們記得密切 follow！
