您好，歡迎來到HopeTrip旅行網！
|
【荔園全攻略】荔園開幕試玩 吃喝玩樂全攻略 荔園遊樂場門票價格2015 荔園遊樂場機動遊戲玩D乜？ 荔園十大必玩項目 荔園周五開幕，大象叮叮船曝光!荔園遊樂場開幕倒數ing，等到頸都長，荔園遊樂場終於要開幕喇！仲有三日，滿載港人回憶嘅荔園遊樂場正式開幕！繼我哋早前披露「滑稽恐龍屋」、「荔園城堡」、「鬼馬飛天椅」同「淘氣小木馬」之後，今日又有最期待嘅景點出現！就係荔園迷最引頸以待嘅「吸蕉大笨象」、「掟階磚」同埋「叮叮船」喇！  先講呢隻「吸蕉大笨象」，雖然係機械象，但望落去都神高神大，目測起碼三四米高，老遠望過去已經見到。只要你餵佢食道具蕉，佢都會chok一個「懶」驚喜嘅表情，象鼻會「發吓發吓」，同埋會發出好似真象叫嘅機械聲。
至於「叮叮船」就幾乎完全倒模原作，六隻顏色鮮艷、類似浴缸嘅小船仔已準備就緒，遠睇已充滿童真，大家最期待嘅當然係船頭嘅搖鈴同嗰個好比「化骨池」的池水啦！今日所見，部份搖鈴已經安裝好，而池水亦已經ready。嗯，大細路嘅你，可以同以前一樣，伸手撥弄池水，滿足個人「惡趣味」。
當然還有壓軸嘅「掟階磚」！基本上跟原作大同小異，都是一格格白色階磚，中間有個洞。但驟眼看，中間個洞似乎細過以前嗰個，意味住錢幣直飛入洞嘅機會率都稍微降低！至於獎品方面，獎品名單仲未set好，據聞會有箭牌香口膠0架！
荔園遊樂場機動遊戲玩D乜？ 荔園十大必玩項目 |
