《男人食堂》爆笑學到嘢 “粗口學堂”Ben Sir講解粵語粗口文化

由梁烈唯、金剛及許紹雄主持的無綫節目《男人食堂》話題性十足，每集都探討的主題都挑戰電視節目底線，最近播出的第4集，以「粵語粗口文化」作主題，其中一節由香港中文大學中國語言及文學系高級講師歐陽偉豪（Ben Sir）講解粗口的「粗口學堂」，短片一夜間喪吸逾180萬點擊，網民激讚該環節具學術性、有新意，同時打破「負皮王」梁烈唯現身就爆負評的慣例。

雖然「粗口學堂」內Ben Sir與梁烈唯均沒有親口示範粗口，純粹由粗口起源都用法一一避重就輕呈現，內容圍繞廣東話粗口的起源、靈活組合及如何運用助語詞等。雖然題材敏感，但Ben Sir早在《學是學非》已贏得網民歡心，在節目中全程未講過一個粗口字卻成功發揮冷面笑匠本色，輕鬆解構這個博大精深的廣東通俗文化，令觀眾大開眼界。

首度在電視觀眾前學術性地討論粗言穢語的Ben Sir，細心回答唯唯有關廣東粗口的問題，他除了介紹五個字的粗口兵團，並向觀眾分析「老母」是指年老的母親，就詞語而言並非粗口。此外，他又以拍掌及手指指等手部動作，婉轉地示範如何活用粗口，令視迷充滿幻想空間。於Facebook分享該節目內容的網民直言「粵語粗口奧妙之處，就係你成條片一個粗口字都聽唔到，但係全部都知佢用緊邊隻字」，令其他網民深表認同，同時讚好，但亦有人認為無綫去得未夠盡。

至於Ben Sir昨午也在fb回應：「大家或者好失望，我一個字都冇講. well……唯唯好好人，教我做戲，佢話個表情做兩嘢就要換；佢爆肚話用個大字得唔得，我跟著就轉到去中國人重謙虛呢個位，跟住就由小變大，咁我就有多啲發揮。正評係要畀唯唯嘅。當然啦，我又冇咁虛偽話一啲都唔關自己事，我嘅演出就……高登巴絲打kingdom嘅老豆老母查實已經講咗……真係多_謝曬。」