|
荔園Super Summer 2016年夏天又有得玩！官方今日公布荔園2016將於7月15日至8月7日於亞洲博覽館舉行。今年以夏日大晒為主題，帶多更多新又刺激的遊戲。今年照舊會有大象天奴、碰碰車、荔園大舞台等，而新增的設施包括：1比1妖怪手錶櫻花村、電動高卡車賽車、全港室內110米充氣障礙賽等，不過部分經典遊戲如叮叮船、飛天椅就無得玩！
入場門票方面，周一至四的票價為$140（包10個代幣）、周五至日上午10至中午12時為$140（包10個代幣）；周五至日中午12時後為$180（包12個代幣），65歲或以上半價，3歲或以下免費入場。每個代幣$10。
荔園今次都依然有唔少好玩的娛樂設施，以下係4大全新遊戲推介：
1. 充氣大暴走 (6個代幣)
佔地超過1700呎，最高點逹7.8米的全港首個室內最長的充氣競技遊戲。平時要玩充氣障礙賽都幾百蚊報名費，今次6個代幣就玩得，都算抵！
好玩度: UUUU (5個U最好玩)
2. 電動高卡車XRace體驗 ($280人/節)
賽道位於室外，全長650米，賽道由米高舒密加的賽道設計師設計，彎位都算多。背後又會有工作人員監察車速，如發生意外會即時幫大家減慢，所以小編玩得好安心。無駕駛執照的小編最快一圈紀錄約1分5秒，最快一名暫時約花54秒便完成一圈，而整個活動中圈速最快者更可獲得首屆國際汽聯電動方程式錦標賽第三賽季分站賽 - 香港電動大奬賽Grand Stand門票兩張架！
好玩度：UUUUU
3. 彩虹波波池 (5個代幣，陪同人士3個代幣)
兩層高的超大型彩色波波池，設有三條滑梯、旋轉滑梯以及其他娛樂設施，玩完仲送卡通襟章。
好玩度：UUU
4. Dino Dum Dum (3個代幣，陪同人士1個代幣)
彈床以恐龍DINO作為設計藍本，除咗可以影相，仲可以爬上DINO圓碌碌的肚皮上跳跳紮，玩完再送卡通襟章。不過彈床面積僅約66平方米，好似細左少少！
好玩度： UU
交通方面，除了乘搭巴士前往，還可以考慮搭「機場快線」，即日來回香港站及九龍站車票享優惠價$57，而來回青衣站$42兼享免費港鐵接駁。
此資訊來源于HK 港生活。
|
