您好，歡迎來到HopeTrip旅行網！
|
北海道不時因為大風雪，搞到 JR 列車、巴士延遲，為了避免送飛機尾。不妨早啲去機場食下、買下。平日去機場，最多提早 2 個鐘，以為預早一定悶到爆？少年你太年輕啦！新千歲機場的餐廳和手信店多到你唔信，買零食、蛋糕，仲有活海鮮，隨時提早 5 個鐘都未必夠！以下為你推介 10 大 新千歲機場Last Call必買手信 ！
 平香港 $100 必掃 LeTAO 新品
個個同事來北海道，都會買芝士蛋糕派街坊，當中以 LeTAO 的出品最受歡迎。新千歲機場剛新開了主打朱古力甜品的副線「NOUVELLE VAGUE LeTAO Chocolatier」。特別推介每日即製的朱古力丹麥麵包，鬆軟的包身配埋一啖啖北海道產的紅豆蓉 ，又綿又香。
01 | 經典雙層芝士蛋糕 ¥1,728／HK $118
雖然 LeTAO 剛剛在香港開設分店，但在北海道平近 $100 ，呢款經典原味雙層芝士蛋糕依然值得入手。
02 | 朱古力紅豆丹麥麵包 ¥302／HK $21
麵包每日新鮮由劄榥市內工房直送，朱古力不會蓋過紅豆香，加入原粒紅豆更有口感。
03 | 朱古力餅乾 ¥842／HK $58
兩塊黑朱古力夾住薄薄的餅乾片，醇香幼滑的朱古力令人回味無窮。
04 | 朱古力紅豆Brownie ¥1,782／HK $121
朱古力入口細滑，微澀的朱古力與紅豆甜味相當夾，個人認為甚至比芝士蛋糕仲好味！
05 | 朱古力雙層芝士蛋糕 ¥1,728／HK $118
上層是由意大利軟芝士製成的半熟芝士蛋糕，下層則是由芝士和甜朱古力製成的烘焙蛋糕，朱古力味有層次。送禮自用皆宜 必買土產 TOP 5
買完芝士蛋糕，火力全開的港女、港媽們當然想掃到最後一分鐘！無論在入閘前後，新千歲機場都依然有舖行、有得買。撇開 Royce 朱古力、薯條 3 兄弟、雷神朱古力這些例牌貨，記者仲有私心推介，每次來北海道都買返幾盒先走！
06 | 「美冬」朱古力（3個裝）¥390／HK $27
朱古力餅夾著厚厚的藍莓朱古力夾心，入口層次豐富鬆化。藍莓不甜不膩，另有焦糖、抹茶等其他口味。
07 | Hori 薯仔米菓 ¥410／HK $28
由北海道產的薯仔、糯米和昆布蒸熟製成餅狀，再油炸而成，香口開胃，除了新出的芝士味，還有洋蔥、粟米等口味。
08 | CARAMEL KITCHEN 焦糖餅乾 ¥960／HK $66
固力果旗下的「CARAMEL KITCHEN」主打用北海道產的牛奶和牛油製成的手工牛奶糖，配合底層的軟餅，牛奶香久久不散。
09 | MORIMOTO 藍靛果夾心餅乾 ¥960／HK $66
牛油餅乾入口鬆化，中間夾著自家製的藍靛果果醬，跟外層的朱古力酸甜配合得剛好。
10 | 「一幻」蝦湯拉麵包（ 2 包裝）¥600／HK $41
北海道人氣拉麵店「一幻」推出即食拉麵，蝦味湯底鮮味濃郁，更有味噌蝦湯及鹽味蝦湯兩款口味。
同場加映 | 手提上機都 OK！急凍北海道鱈場蟹
不少人去北海道，都會在行程最後一天於劄幌市內的二條市場食海鮮，順手買埋活蟹返香港。如果好似記者又懶又唔願一箱二箱入機場，原來上機前最後一刻依然可以買到海鮮孝敬家人。
近 10 間海產店集中在國內線 2/F ，望住海鮮槽內的生猛毛蟹、長腳蟹，一瞬間以為置身在築地市場。當中以「北海道きたれん」供應的海產種類最多，包括活蟹、蠔、帆立貝、海膽等，亦有各類海鮮加工制品出售。
店內更有通曉國語的店員，溝通無難度，面對「甚麼產品需要寄艙？」、「甚麼可以手提上機？」等問題，店員都能立刻解答得到。想帶海鮮返香港，例如鹽水海膽、活蟹、活帆立貝，都需要經店員包裝放入乾冰後寄艙；而急凍蟹、急凍帆立貝等等，放乾冰包裝後，可選擇寄艙或手提上機都得！
所以即使價錢比市內貴一兩成左右，但可以即買即帶返香港，唔使擔心靚蟹變臭蟹，貴少少都值得！
|
市場價：NT$ 294
