您好，歡迎來到HopeTrip旅行網！
|
點解去旅行總係想買手信？因為想留住旅行時嘅味道嘛，去到 沖繩那霸 嘅國際通，咁多嘢食手信，都想帶多少返嚟等朋友家人都試到當地嘅特產。以下 5大特色手信，係個人推介嘅， 俾大家參考嚇，當然大家都可以再分享嚇仲有咩正嘢！
 1. 沖繩限定版 卡樂B
除咗東京、大阪等熱門旅遊區有 卡樂B專門店，沖繩都有㗎！而且有多款限定特產賣！好似鯨鯊版薯條套裝、石桓島海鹽朱古力味薯片、仲有紅芋朱古力，手信清單可以喺度搞掂一半~ 記得試埋即炸卡樂B薯條，新鮮薯片真係無咩機會試到！
info
地址：沖繩縣 那霸市 牧誌3-2- 2 國際通三越百貨前
營業時間：10am-9pm
2. 沖繩特產辣椒油
係咪無諗過沖繩特產有辣椒油？無錯啊，個人幾推介嘅手信，呢隻辣椒油食落有少少酒味，好香啊~ 買返去煮餸、撈麵食一流。
3. 花商豆腐零食
呢個係沖繩另一特色手信，豆腐做嘅零食，可以做手信帶返嚟，賞味期有一星期，而且每包內附燒汁，食落去煙煙韌韌好味~
4. 炸麵團
幾特別嘅特色小食，圓碌碌成個煎堆仔咁，有黑糖、黑芝麻同新出嘅士多啤梨味，食落甜甜地，感覺似煎堆嘅軟糯口感，除咗即食，都可以買返香港做手信啊。
5. 迷你菠蘿仔
最後買埋呢個迷你菠蘿仔，細細粒好得意，寫明可以帶出境，帶返香港都好方便啊，仲可以拎番去試嚇種呢。去沖繩玩可以試搭郵輪，一上船就可以開始玩！
郵輪上嘅行程非常精彩，刺激玩意如巨型滑水梯、攀石等，室內就有靜態嘅娛樂設施，電影院、酒吧、表演節目等一應俱全，而且幾款房型都好舒適，仲可以隨時睇到無敵大海景 。而家仲做緊5晚「沖繩之戀」套票嘅優惠，提早30日訂房就可以有 7 折優惠啦！(詳情：https://goo.gl/fTUDJc)
|
市場價：NT$ 294
