您好，歡迎來到HopeTrip旅行網！
2019年香港公眾假期出爐，又係時候準備計劃下年嘅旅遊大計！如果五天工作制的打工仔，農曆新年只須請2日就可以放足9日，可以去番個長旅行避年。如果年假充足嘅朋友又或者可以考慮年尾聖誕請5日放12日，放個聖誕加跨年嘅長假！
 元旦 1月1日（周二）：請1日放4日
建議目的地：日本、台灣
短短地可以去台灣或者日本跨年，後者仲可以順便掃埋福袋～
農曆新年 2月5、6、7日（周二至四）：前後請1日（2月4、8日）就可以放9日喇！
建議目的地：日本（北陸、中部）、泰國或其他東南亞國家
如果打算放長假嘅可以去日本滑雪或睇白川鄉點燈！只放4日的話近近地去泰國避年都唔錯
清明節 4月5日（周五）：唔請都有3日假
建議目的地：日本、韓國
一於去日本或者韓國賞櫻喇
復活節 4月19至22日（周五至一）：唔請都有4日假；或者請4日（4月15 - 18日或4月23 - 26日）就可以放足10日
建議目的地：泰國、台灣
如果請長假嘅朋友可以趁呢個機會去泰國潑水節（4月13至15日），順便玩曬成個泰國；只放4日的話又可以近近地去台灣，4月係台中東勢林場螢火蟲季！
勞動節 5月1日（周三）：請2日（4月29、30日或5月2、3日）放5日；或者請曬前後2日（4月29、30日及5月2、3日）就總共可以放9日
建議目的地：日本（東北、北海道）
外遊建議：由於日本東北部及北海道的櫻花比較遲開，如果錯過4月頭櫻花季不妨可以趁機去追櫻！
佛誕翌日 5月13日（周一）：唔請都有3日假
建議目的地：韓國
可以快閃去睇油菜花～
端午節 6月7日（周五）：唔請都有3日假
建議目的地：馬來西亞
正值係馬來西亞嘅最佳季節，可以去熱浪島潛水或者去檳城輕鬆一下
七一回歸 7月1日（周一）：唔請都有3日假
建議目的地：新加坡
近近地可以去新加坡6月至8月舉行嘅Great Singapore Sale瘋狂掃貨
國慶及重陽節 10月1日（周二）、10月7日（周一）
請1放4日又得。或者將國慶同重陽連埋一齊放，請3日（10月2至4日）放7日都得，或者請4日（9月30及10月2至4日）就可以放10日。 建議目的地：澳洲
打算放長假的話可以去澳洲，當地正值春季，陽光充沛之餘又涼爽，感受一下大自然風光
聖誕節 12月25、26日（周三、四）： 請1日放5日，又或者可以請3日放9日。如果年假充足嘅朋友亦可以考慮一下請5日（12月23、24、27、30、31日）放12日，放個聖誕加跨年長假。 建議目的地：歐洲國家
打算放長假嘅朋友可以飛北歐感受最地道嘅聖誕，而且仲有機會可以睇埋北極光！或者去歐洲其他國家都有唔同聖誕市集，非常有氣氛
|
市場價：NT$ 459
