您好，歡迎來到HopeTrip旅行網！
|
經典泰菜任你食
咁大一個水上市場，行下玩下就一定會肚餓啦！水上市場入面為大家提供泰式自助餐，十分之抵食，重點係冇限制你食幾耐！如果帶埋小朋友入去食仲有優惠添呀！所以一家大細坐低慢慢嘆住嚟食都絕對冇問題！
自助餐入面嘅泰菜選擇好多，雲集唔同地區嘅美味特色菜‼比如有南部嘅印度咖哩，黃咖哩，香辣牛肉，北部嘅咖喱炸面同埋蝦湯，東部嘅青木瓜沙律同蒸糯米......當然唔少得有烤雞肉，辣咖哩豬肉、泰式金邊粉等等，甜品方面又點少得芒果糯米飯呢！仲有著住泰國傳統服飾嘅侍應為大家服務，而自助餐每日嘅供應時間就係由早上11點到夜晚8點，大家記得留意啦！
 每日精彩SHOW睇不停
芭堤雅呢個地方相信大家都唔陌生，唔知芭堤雅四方水上市場 (Pattaya Floating Market)大家又熟唔熟悉呢！呢個水上市場係建於一個人工湖上面，相比起其他水上市場，佢面積真係大好多，而且冇咁單一添！
當中有過百個檔口，有唔同地方嘅產物賣，而且品種都比其他水上市場多好幾倍！裡面就分成4個部分，分別係中部、東北部、北部、南部，將全泰各地的特色集於一身！無論係民間特色手工藝品、時尚品牌定係泰國傳統手工藝品，都可以喺呢到搵到！遊客仲可以坐下小艇圍繞市場一周，欣賞一下河道兩旁嘅風景，體驗一下風土人情！
為咗俾遊客睇到水上市場嘅泰國文化多樣性，喺唔同嘅區域入面都會有唔同嘅舞蹈、遊戲同埋競賽節目，由朝早10點開始，每一小時左右就會有新嘢睇，真係豐富又精彩㗎！例如有水上泰國長鼓舞、泰國現代樂器音樂表演，而泰拳我哋或者就睇得多，水上拳擊又睇過未？水花四濺又緊張刺激嘅水上拳擊表場分為三個時段，每個時段半個鐘左右！
玩盡「海陸空」！
介紹咗芭堤雅四方水上市場有咩Show好睇，今日就介紹呢個水上市場有咩遊樂活動啦！
首先就係非常特別嘅水陸兩棲船！呢種稱為Lam Choon嘅船係一款能夠喺水上及陸路上行駛嘅船，由第二次世界大戰期間通過Chaopraya River，由曼谷開到Ayudya運輸貨物，歷史好悠久㗎喇！
今次喺水上市場就可以一試喇！水上市場有兩個碼頭，帶著遊客喺水道同埋陸路穿梭，期間仲會停留喺泰國Folkway村～ 泰國Folkway村係一個展現真實泰國本地生活嘅一個展區，俾大家更加認識泰國文化，遊客仲可以步行到綠色區域，入面仲有絲綢編織、絲線穿孔、古代玉米烹飪等等嘅示範！
除咗呢樣，水上市場入面仲有滑索冒險添呀‼啱哂鐘意興奮又刺激活動嘅朋友玩喇！ 滑索長度一共300米，差唔多4層樓嘅高度！喺水面上面滑行，只需要100銖就可以體驗到啦，想玩嘅朋友記得喺正門買飛啦！
嘆盡泰式按摩！
泰式按摩一直都好受國際歡迎，所以嚟到咁大嘅水上市場，又點會冇泰式按摩俾大家嘆下呢！水上市場嘅「泰國民俗村」有提供正宗泰式按摩嘅示範同埋服務！當中佢哋會用到由好多泰國草藥提練以成嘅黃油做按摩，可以減低肌肉酸痛嘅問題，成效仲十分唔錯㗎！有興趣嘅遊客都可以去試試呢個按摩，而且有咩關於泰式按摩嘅問題或者有咩位置想特別按摩一下，都可以隨時向佢哋提出，按摩師都會好樂意解答你嘅問題！
其實芭堤雅四方水上市場仲有好多有趣活動同大量美食等大家去發掘㗎！嚟緊去芭堤雅又多一個地方選擇啦～ |
市場價：NT$ 924
