HopeTrip>旅遊資訊中心>泰國>曼谷>曼谷旅遊攻略>曼谷饭店精选>2018暑期曼谷親子酒店推薦一家大細都可以住

2018暑期曼谷親子酒店推薦一家大細都可以住

收藏列印糾錯瀏覽次數：0 0人參數

分享到：

2018曼谷暑期親子酒店推介，Grande Centre Point Ploenchit和Siam Kempinski Hotel 都有適合一家大小入住的家庭房，也會有適合小朋友的活動，一起來看看！

曼谷親子酒店推介2018-Grande Centre Point Ploenchit

地址： 100 Wireless Road,Lumpini, Patumwan, Bangkok

電話：+66 2 055 9000

電郵: ploenchit@gcphotels.com

今次要介紹俾大家嘅酒店就係Grande Centre Point Ploenchit啦！呢間奢華酒店位於曼谷中心地帶，距離附近嘅BTS站都只係幾分鐘嘅步行距離！酒店風格格調優雅，泰式現代化嘅格調令人感覺又明亮又舒服，設備又好齊全！好似喺頂層嘅Rarinjinda Wellness Spa就屢獲殊榮，無論係做舒緩治療定係推拿，都絕對可以為你深度放鬆～

最緊要嘅係酒店提供Two Bedroom Suite，非常適合一家大細入去住！入面有一個大客廳、兩個浴室、主人房有一張特大床或者係兩張雙人床，另一間房就同樣有一張舒適雙人床，三人或者四人家庭住呢個套房就實在啱啱好！而房間入面仲有獨立露台，一家人享受一下曼谷景觀都相當溫馨呀！而家酒店仲做緊折扣優惠添！嚟緊暑假帶小朋友去曼谷玩的話，Grande Centre Point Ploenchit 絕對唔會令你失望！

曼谷親子酒店推介2018-Siam Kempinski Hotel

電話：+66 (0)2 162 9000

地址：991/9 RAMA 1 ROAD,10330 BANGKOK

有401間豪華客房嘅Siam Kempinski Hotel 位於曼谷CentralWord附近，唔使講都知有幾咁方便啦，啱晒鐘意喺曼谷瘋狂Shopping 嘅大家！雖然喺巿中心咁方便嘅位置，但係酒店嘅客房大部分都係望住個精緻嘅花園同泳池，有啲房間仲可以喺露台直接行落泳池游水，入住嘅話好似去咗啲海島渡假咁！或者揀返間望到曼谷巿中心嘅客房，夜晚望下曼谷嘅靚靚夜景吖嘛～

呢間酒店特別啱有小朋友嘅客人，本身酒店嘅客房空間好大，而且特別設有家庭房，一家大細嚟到都大把位置俾小朋友～如果間房唔夠玩，佢哋嘅兒童俱樂部設施豐富，勁多玩具，連波波池都有得玩，小朋友分分鐘玩到唔捨得走！另外5-12歲嘅小朋友仲可以參加星期二同星期四嘅小厨師課程，喺專業人員指導之下，小朋友會學整PIZZA ，蛋糕同泰式甜品，又安全又開心，俾佢哋發揮一下厨藝天分～

嚟到記得試埋酒店旗下嘅米芝蓮餐廳Sra Bua by Kiin Kiin，主厨Henrik Yde Andersen會以分子料理嘅方式將泰國菜嘅美味呈現喺大家面前，一試難忘呀！