之前就同大家介紹過喺華欣五星級酒店搞婚禮，如果仲想睇下有冇其他星級選擇，唔知Baba Beach Club Hua Hin 又啱唔啱你心水呢？
Baba Beach Club Hua Hin 係由國際知名豪華酒店、泳池別墅同埋住宅開發商－Sri panwa背後嘅團隊管理開發，品質一定有哂保證！最重要係酒店位於一流嘅原生態海濱沙灘位置，景色一絕‼加上酒店將現代嘅設計以同華欣標志性的殖民風格完美融合，如果將人生大事安排喺到舉行，靚人襯埋靚景，一定好難忘啦！
今次一定要同大家講下呢間豪華酒店嘅婚禮場地Baan Chok啦！呢棟以標誌性殖民風格設計嘅兩層建築係對住一覽無遺嘅無敵大海景，提供埋戶外座位同個成150平方米嘅大花園！如果想搞個室內party，都有一個成一百平方米嘅多功能活動室！呢到可以容納到成400位賓客呀，如果你地係親戚朋友滿天下的話，相信Baan Chok呢個場地啱哂搞大型婚禮派對啦！
當然酒店嘅專業團隊會提供西式或者傳統泰式婚禮俾你選擇，非常體貼無論係婚禮晚宴策劃、雞尾酒派對，甚至細微至結婚蛋糕同埋定制花卉裝飾，團隊都會一一為你準備好，務求可以為一對新人提供一個最奢華最獨一無二嘅婚禮！
