您好，歡迎來到HopeTrip旅行網！
|
近畿地區景點推介
1. 永觀堂禪林寺
永觀堂佔地廣闊，寺內楓樹有成3,000棵咁多，每棵樹都擁有唔同嘅姿態同顏色，交疊時形成一幅美麗嘅畫面。如果在京都嘅時間緊逼，呢度可以俾你一次過睇曬唔同種類嘅楓樹，仲可以登上寺內最高的多寶塔，將紅葉美景一覽無遺！
相比起日間，比較推薦夜晚先嚟賞“夜楓”！因為夜晚亮燈後，池塘會倒映著紅葉同小橋，將美景Double！
最佳觀賞期：11月中旬～11月下旬
開放時間： 9:00～17:00 (16:00截止售票)
門票：約HK$291
交通方式：
京都市營地鐵東西線“蹴上”站1號出口徒歩約15分鍾即可抵達。
JR“京都”站轉搭京都市公車5號在“南禪寺永觀堂道”站下車，徒歩約3分鍾即可抵達。
JR“京都”站轉搭京都市公車100號在“東天王町”站下車，徒歩約8分鍾即可抵達。
 2. 東福寺
東福寺“通天紅葉”的美名享譽全日本，睇紅葉點可以冇佢份？寺內最著名嘅通天橋被林木圍繞，眼前是便是大大片的楓樹，令人驚艷！除了通天橋以外，臥雲橋、東福寺本坊庭園、偃月橋等地都可以賞楓。不過在楓葉季節期間，各個影相位都會迫滿曬人，想少啲人嘅話就愈早嚟愈好！
最佳觀賞期：11月中旬～12月上旬
11 月開放時間：8:30 – 16:30
交通方式：
JR-奈良線：“東福寺”下車，徒步約15分鐘
京阪電車-京阪本線：“東福寺”下車，徒步約15分鐘
京都市巴士：202,207,208系統、“東福寺”站下車。
門票：通天橋．開山堂￥400、方丈庭園￥400
3. 嵐山小火車
嵐山係日本人同遊客都鍾意去嘅賞楓勝地，該區嘅景點／寺廟都可以即場Walk-in，但唯獨“嵐山小火車”就需要提前預約，或者早啲購票！嵐山小火車沿著保津川溪谷緩慢行駛，全長7.3公裏。沿途會經過嵯峨野的清澈河川，以及與大自然融和的楓葉美景，行到攰嗰陣搭就一流！
最佳觀賞期：11月中下旬～12月上旬
交通方式：(京都出發) 於京都車站，搭乘JR嵯峨野線至馬堀，轉乘小火車。
費用：(單程)大人620円 / 小童310円
4. 常寂光寺
去嵐山除咗搭小火車之外，另一個不容錯過嘅地方就係常寂光寺！常寂光寺依小倉山而建，入到去要行少少石級才到達高點。山道旁邊種滿交錯嘅楓樹，一路上無處不被紅葉包圍，小編去嗰陣係紅葉最盛期，真係靚到“嘩”咗一聲！
最佳觀賞期：11月中旬～12月上旬
開放時間：9:00 – 16:30
交通：(京都出發)JR嵯峨野線嵯峨嵐山站下車 徒步15分鐘
門票：400円
5. 毘沙門堂
毘沙門堂係賞落葉嘅名所。佢最靚嘅時間唔係紅葉盛放期，而係當紅葉係撒落一地嘅時候。掉落的紅葉鋪滿“勅使門參道”的石階，尤如一幅楓紅的地毯，連池塘也有許多紅葉飄浮，令畫面更添秋意！
最佳觀賞期：11月中旬～12月上旬
參觀時間：8:30～17:00
參觀費用（室內部分才需收費）：500円
交通方式：
JR/地下鐵 山科站下後徒步約20分
京阪電車 京阪山科站下車後徒歩約20分
|
市場價：NT$ 2161
